الفسيخة التى هزمت المشايخ ..!!
د. ياسر يوسف غبريال
وقال الشعب للمشايخ بيننا وبينكم الشوارع والحدايق والبحور..
وقال المشايخ للشعب بيننا وبينكم الفتاوى والويل والثبور..
وكان المشايخ يباهون الشعب انهم يقولوا الامر فينفذ دون نقاش وكما قال الشيخ محمد حسين يعقوب اتبع شيخك ولو على خلاف هواك .. لكن لما يكون الهوا هوا النيل . والهوا جميل يبقى فيه كلام تانى .. فرغم الحرب الشعواء على عيد شم نسيم لا لشىء الا لانه عيد فرعونى ويربط البعض بينه وبين اعياد النصارى .. ورغم ان الغزوة كانت مكتملة الاركان الا ان الشعب قال كلمته وخرج يحتفل بشم النسيم رغما عن انوف المشايخ .. كانت حربا منظمة ومرتبة واستخدمت فيها كل الوسائل .. وآخرها عندما خرج السلفيون فى الاسكندرية بمنشورهم ان يوم شم النسيم يوم شؤم وفجور .. الحقيقة لا اعرف معنى للفجور هنا .. فنحن نأكل السمك ولا نتحرش به .. ونلون البيض ولا نرقد عليه .. فقط نستمتع بنعم الله علينا .. وهل المتعة الحلال فى بلدنا حرام ؟؟ .. وهل مصر مثلها كمثل بلاد الصحراء حيث لا ماء ولا هواء مجرد رمال صفراء وخواء.. ولماذا نصر على نقل الصحراء الى ضفاف النيل ؟ .. قال الشيخ شم النسيم يوم فجور .. الا تستحى يا رجل ؟ .. فجور مرة واحدة .. يعنى كل الناس اللى خرجت دى فى شوراع مصر كانت خارجة للفجور ..؟ عيب عليك ..ولكنها نوع من الحرب النفسية .. عشان لما مثلا الراجل يقول لمراته تعالى نشم الهوا يوم شم النسيم تقوله عيب عليك انا فاهماك كويس .. اطلع من دول .. اخرتها كدة يا عبده .. عاوز تشم النسيم عينى عينك .. يا عينى عليا .. ولما يفغر الرجل فمه عشان مش فاهم تقوله وهى تغمز .. برضه مش فاهم ..عامل فيها اهبل .. انت مش عاوز تشم النسيم ..يقول الرجل امال اكون عاوز ايه .. نشم النسيم وناكل رنجة وبصل .. تقوله الست .. لا بقا .. لازم اقولك .. انت معرفتش ان فضيلة الشيخ قال ان يوم شم النسيم يوم فجور .. هى وصلت انك تشم عليا وانا لسه الحنة فى ايديا .. وهذا نموذج واضح لارهاب الناس باسم الدين حتى تصير حياتهم مجرد عروسة ماريونيت يحركوها كيفما أرداوا .. شمال شمال .. يمين يبقى يمين .. ثم يتنحنح الشيخ ويقول الشعب قال كلمته .. وطبعا كلمته دى يعنى كلمة الشيخ مش كلمة الشعب لان مفروض الشعب ما يكونش ليه كلمة اساسا .. فقد قال الشيخ عبد المنعم الشحات ان الديمقراطية نظام فاسد لانها تعطى حق التشريع للشعب .. وسلملى على الصناديق اللى هيركبوها لغاية ما يركبوا مصر وبعدين يحطوا فى الصناديق دى اى واحد يقول بم ..
كانت غزوة البيض والبصل والفسيخ فى شم النسيم الاخير فى صالح الشعب المصرى وفى صف الوسطية والبساطة والبهجة والسعادة وكانت خصما من رصيد البؤس وفرض السواد على مظاهر الحياة فى مصر.. مين اللى يقدر يحرم الفرحة ..السنة اللى فاتت خرج علينا شيخ جليل يحرم شم النسيم وفى السكة حرم كمان اللى يبيع البيض والملانة والبصل والفسيخ للناس .. يعنى موت وخراب ديار .. يعنى الست اللى طالعة بخمسين لمونة ..تعصرهم على العيش الحاف وتاكلهم عشان فضيلة الشيخ ..وبياع البيض يشترى فراخ ترقد ع البيض يفقس كتاكيت .. واللى بيبيع فسيخ يتفسخ جنبه .. دخل المشايخ حربا خاسرة مع البيض و الرنجة و الفرحة والتاريخ والتراث والبهجة والنيل .. كان للفراعنة اكثر من ستين عيد يفرحون بها .. وياتى اليوم من يحرم ما بقى من الفرحة .. التى قلت مع الزمن وقلة البركة .. قال المذيع للشيخ عبد المنعم الشحات طيب ما تمشيها يوم شم النسيم وليس عيد شم النسيم .. لكن الراجل راسه والف شومة .. لا دا عيد الكفار ولا خروج فيه ولا نزهة .. الخطوة القادمة فتوى بسد الانوف حتى لا تشم النسيم وسمل العيون حتى لا ترى الزهور ..
لقد احتفلت مصر كلها بشم النسيم .. مسلمون واقباط .. فقراء واغنياء .. كبار وصغار ..ع الكورنيش وفى مارينا .. فى الجنينة وع الشط .. فى الشارع وفى الميدان .. على صوت الجرس والادان .. وماحدش قال اوعى يا عم دا عيد النصارى .. ولا عيد توت عنخ امون .. دا عيد مصر .. مصر اللى لسه الاحلام فيها ممكنة .. لقد هزمت الفسيخة الارهاب الفكرى ورعاته الرسميين من مشايخ الفتنة والفرقة ..
وعلى طريقة غزوة الصناديق انهى كلامى عن غزوة الفسيخ واوجه كلامى لحسين يعقوب والحوينى وعبد المنعم الشحات وياسر برهامى ومن على شاكلتهم واقول لهم مستعيرا اسلوب الشيخ حسين يعقوب :
د. ياسر يوسف غبريال
وقال الشعب للمشايخ بيننا وبينكم الشوارع والحدايق والبحور..
وقال المشايخ للشعب بيننا وبينكم الفتاوى والويل والثبور..
وكان المشايخ يباهون الشعب انهم يقولوا الامر فينفذ دون نقاش وكما قال الشيخ محمد حسين يعقوب اتبع شيخك ولو على خلاف هواك .. لكن لما يكون الهوا هوا النيل . والهوا جميل يبقى فيه كلام تانى .. فرغم الحرب الشعواء على عيد شم نسيم لا لشىء الا لانه عيد فرعونى ويربط البعض بينه وبين اعياد النصارى .. ورغم ان الغزوة كانت مكتملة الاركان الا ان الشعب قال كلمته وخرج يحتفل بشم النسيم رغما عن انوف المشايخ .. كانت حربا منظمة ومرتبة واستخدمت فيها كل الوسائل .. وآخرها عندما خرج السلفيون فى الاسكندرية بمنشورهم ان يوم شم النسيم يوم شؤم وفجور .. الحقيقة لا اعرف معنى للفجور هنا .. فنحن نأكل السمك ولا نتحرش به .. ونلون البيض ولا نرقد عليه .. فقط نستمتع بنعم الله علينا .. وهل المتعة الحلال فى بلدنا حرام ؟؟ .. وهل مصر مثلها كمثل بلاد الصحراء حيث لا ماء ولا هواء مجرد رمال صفراء وخواء.. ولماذا نصر على نقل الصحراء الى ضفاف النيل ؟ .. قال الشيخ شم النسيم يوم فجور .. الا تستحى يا رجل ؟ .. فجور مرة واحدة .. يعنى كل الناس اللى خرجت دى فى شوراع مصر كانت خارجة للفجور ..؟ عيب عليك ..ولكنها نوع من الحرب النفسية .. عشان لما مثلا الراجل يقول لمراته تعالى نشم الهوا يوم شم النسيم تقوله عيب عليك انا فاهماك كويس .. اطلع من دول .. اخرتها كدة يا عبده .. عاوز تشم النسيم عينى عينك .. يا عينى عليا .. ولما يفغر الرجل فمه عشان مش فاهم تقوله وهى تغمز .. برضه مش فاهم ..عامل فيها اهبل .. انت مش عاوز تشم النسيم ..يقول الرجل امال اكون عاوز ايه .. نشم النسيم وناكل رنجة وبصل .. تقوله الست .. لا بقا .. لازم اقولك .. انت معرفتش ان فضيلة الشيخ قال ان يوم شم النسيم يوم فجور .. هى وصلت انك تشم عليا وانا لسه الحنة فى ايديا .. وهذا نموذج واضح لارهاب الناس باسم الدين حتى تصير حياتهم مجرد عروسة ماريونيت يحركوها كيفما أرداوا .. شمال شمال .. يمين يبقى يمين .. ثم يتنحنح الشيخ ويقول الشعب قال كلمته .. وطبعا كلمته دى يعنى كلمة الشيخ مش كلمة الشعب لان مفروض الشعب ما يكونش ليه كلمة اساسا .. فقد قال الشيخ عبد المنعم الشحات ان الديمقراطية نظام فاسد لانها تعطى حق التشريع للشعب .. وسلملى على الصناديق اللى هيركبوها لغاية ما يركبوا مصر وبعدين يحطوا فى الصناديق دى اى واحد يقول بم ..
كانت غزوة البيض والبصل والفسيخ فى شم النسيم الاخير فى صالح الشعب المصرى وفى صف الوسطية والبساطة والبهجة والسعادة وكانت خصما من رصيد البؤس وفرض السواد على مظاهر الحياة فى مصر.. مين اللى يقدر يحرم الفرحة ..السنة اللى فاتت خرج علينا شيخ جليل يحرم شم النسيم وفى السكة حرم كمان اللى يبيع البيض والملانة والبصل والفسيخ للناس .. يعنى موت وخراب ديار .. يعنى الست اللى طالعة بخمسين لمونة ..تعصرهم على العيش الحاف وتاكلهم عشان فضيلة الشيخ ..وبياع البيض يشترى فراخ ترقد ع البيض يفقس كتاكيت .. واللى بيبيع فسيخ يتفسخ جنبه .. دخل المشايخ حربا خاسرة مع البيض و الرنجة و الفرحة والتاريخ والتراث والبهجة والنيل .. كان للفراعنة اكثر من ستين عيد يفرحون بها .. وياتى اليوم من يحرم ما بقى من الفرحة .. التى قلت مع الزمن وقلة البركة .. قال المذيع للشيخ عبد المنعم الشحات طيب ما تمشيها يوم شم النسيم وليس عيد شم النسيم .. لكن الراجل راسه والف شومة .. لا دا عيد الكفار ولا خروج فيه ولا نزهة .. الخطوة القادمة فتوى بسد الانوف حتى لا تشم النسيم وسمل العيون حتى لا ترى الزهور ..
لقد احتفلت مصر كلها بشم النسيم .. مسلمون واقباط .. فقراء واغنياء .. كبار وصغار ..ع الكورنيش وفى مارينا .. فى الجنينة وع الشط .. فى الشارع وفى الميدان .. على صوت الجرس والادان .. وماحدش قال اوعى يا عم دا عيد النصارى .. ولا عيد توت عنخ امون .. دا عيد مصر .. مصر اللى لسه الاحلام فيها ممكنة .. لقد هزمت الفسيخة الارهاب الفكرى ورعاته الرسميين من مشايخ الفتنة والفرقة ..
وعلى طريقة غزوة الصناديق انهى كلامى عن غزوة الفسيخ واوجه كلامى لحسين يعقوب والحوينى وعبد المنعم الشحات وياسر برهامى ومن على شاكلتهم واقول لهم مستعيرا اسلوب الشيخ حسين يعقوب :
شكلك وحش لما تبقى فى الناحية اللى مش فيها الشعب المصرى ..كل اهل مصر كانوا بيقولوا نعم لشم النسيم.. وقصادهم من الناحية التانية .. ناس تانية اللى هما المشايخ
بيننا وبينكوا الفسيخ
وقد قالت الفسيخة لشم النسيم ايه ؟
نعم
ما تخافوش.. خلاص
البلد بلدنا ..
واللى مش عاوز يشم .. يمشى..انت حر ..الف سلامة .. عندكوا تأشيرات السعودية والصومال وطالبان
البلد بلدنا .. بلد الاقباط والمسلمين المعتدلين والناس الطيبة البسيطة ..
مع تحياتى فسخانى الثورة ..
ليست هناك تعليقات:
إرسال تعليق
أكتب تعليقك غير مطلوب أي بيانات أو حتى أيميل